Xuegos Tradicionales asturianos

El pasáu vienres día 29 de xineru nel CP Pablo Iglesias de Soto Ribera tuvo llugar la seguna xornada de xuegos tradicionales asturianos del conceyu. Nesta ocasión tuvimos dos invitaos de lluxu, Lluisón y Xuan Miliu, qu'además de prestános tol material, esplicáronnos mui bien tolos xuegos y ficieron qu'esta xornada fuera especial.

Empezamos pol Dexabolu. L'equipu 1, formáu por Diego, Javi, Cova, Andrea y Ramsés batió al equipu 2 por un 2-0. Al principiu les coses nun diben na bien pa nengún de los dos equipos, pero na última ronda Diego y Javi consiguieron dar un puntu al equipu.

Mientres descansábemos, algunos tuvieron xugando col aru y la gancheta (aunque mas que dir nosotros manexando l'aru diba l'aru manexándonos a nosotros), o tirando unes fiches a la rana.

El siguiente xuegu n'equipu foi'l lliriu. Lluisón y Xuan Miliu esplicáronnos en que consistía, yá que nengún de los que tábemos allí sabíemoslo. Nesti casu hubo un empate ente los equipo de 4-4.

El tiru cuerda volvió a ser pal equipu 1. Mientres que la carrera panoyes foi pal equipu 2. El tiru al palu y el baltu ficímoslo por pareyes siendo claros ganadores Andrea nel sector femenín y Carlos nel masculín.

Equí vos dexo un vidiu del eventu:

Defensa personal

Al final, el sábadu pasáu tuvimos viendo La Vida es Bella. Hubo pa tolos gustos, a los que nun-yos gustó por ser mui triste, o por ser mui llarga.

Hoi tuvimos Defensa personal, utilizando les técniques del Krav Maga. Hubo poca participación en cuanto a cantidá, pero foi una actividá mui interesante y práctica. Saber como reaccionar si alguien te quier clavar un cuchillu, si t'agarren pol brazu, del pescuezu, de la tiesta...

Si tais interesaos en saber más sobre esto, pinchas aquí.

31 d'ochobre de 2009

Hoi, na sala d'usos múltiples de Soto Ribera a partir de les 17:00h: Tardes de cine en La Ribera.

Taller de reciclaxe

Ayer, vienres 30 d'ochobre, Rebeca vino al centru social de Soto Rei a facer un taller de reciclaxe. Ficimos una cartera perguapa con un tetrabrik y fueyes de cómic.

Además, con güeveres recortaes a mou de flor y pintaes con témpera, son un detalle bien prestosu pa colocar les típiques lluces de navidá y utilizales en cualquier folixa qu'organicemos pa decorar el sitiu.

Masaxe y relaxación y construcción d'instrumentos

El vienres pasáu tuvo llugar una vez más un taller de masaxe y relaxación. Notóse que yera la segunda vez, y que yá tamos formándonos nes diferentes técniques. Sabemos que la columna vertebral nun se toca, y que la espalda lo meyor ye que te al descubierto. Además, Lucía (la monitora) aprendiónos lo que yera la moxa y la so utilización.

El sábadu ficimos un taller de construcción d'instrumentos con materiales reciclables. Dos monitores de l'asociación ecoloxita d'Ixuxú vinieron al centru social de Soto Rei pa ofrecenos esti taller.

Yera la primer vez qu'Enredar s'acerca a les nueves instalaciones de Soto Rei. La verdá que l'afluencia mayoritaria de la mocedá foi de Soto, pero esperemos que poco a poco los mozos y moces de Soto Rei vayan animándose a participar, como lo ficieron nesta ocasión Pablo, Gonzalo y Pelayo.

Prósimu vienres y sábadu 23 y 24 d'ochore.

El prósimu vienres 23 d'ochobre nel salón d'actos de Soto Ribera: "Taller de masaxe y relaxación".

El prósimu sábadu 24 d'ochobre nel nuevu centru social de Soto Rei: "Construcción d'instruemntos de percusión".

Tornéu de fútbol sala

Aunque'l tornéu duró poco y paecía nun entamar con bon pie, fue intensu. Por problemes técnicos tuvimos que treslladanos a la pista de Soto Rei, onde s'apagaron les lluces a les 10 de la nueche.

El resultáu final, nun lu recuerdo, pero la verdá, que foi lo de menos.