Taba'l día feu, mui feu, y el CF Llosalín nun pudo pasar del empate a ceros en Tudela Güeria. Acaba'l partíu, y a les 7 tábemos toos/es nel Salón d'Actos de Soto Ribera preparaos pa construyir darbukes.Estefanía, mayestra de música, venía a dar el taller. Macetes, cola, papel cebolla y tisories yera'l material necesariu. Fani y yo facemos la cola. Los chavales garren les fueyes de papel cebolla, pártenles a la metá. Garren una y enllénenla bien de cola. Na otra posición, ponen la otra fueya, y a siguir untando... así hasta cuatro. Na parte d'arriba del tiestu hai que da-y bien de cola, y poner les fueyes bien moyaes. Agora, esperaremos a que seque.
Mientres, Fani tuvo aprendiéndonos diferentes toques cenciellos. Había algún artista que se nota que tien el ritmu nel cuerpu, y había otros como yo, que paecía más qu'imitaben el ruiu que fai un carru caballos al pasar que'l soníu rítmicu d'un cantar. Pero toos/es llogramos pasalo bien y aprender algo.
Como na última hora tovía nun hubieren secao les darbukes, algunos pensaron en personalizales y da-yos un toque de color.
Equí vos dexó'l vidiu que fai bon resumen de l'actividá.
Muy guapo el vídeo y la actividad, aunque me quedo con la intriga de saber quien consiguió hacer sonar la darbuka con mayor soltura. ¿Alguien me lo puede decir?.
ResponderEliminarQuiero dar la enhorabuena a todos los rapaces de La Ribera por ser tan participativos en las actividades.