1/2/09

Play Station

El vienres 23 de xineru de 2009 entamaron de nuevu les actividaes d'Enredar con alguna novedá (como l'ausencia de Seila como monitora, qu'esperamos que venga a venos algún día), pero con munches ganes.
Antes d'entamar con ello, tuvimos entre toos/es concretando les actividaes que más-yos prestaría facer, y ficimos dos equipos que competirán en parte de les actividaes que se desarrollarán. Los equipos, escoyíos por Paulino y Jorge, fueron estos:
  • Equipu 1: Jorge, Ramsés, Cova, Laura, Lucía, Alba y Rocío.
  • Equipu 2: Paulino, Riki, Vero, Andrea, Belinda, Sara y Jessi.

L'actividá realizóse de 8 a 11 nel salón d'actos, recientemente renováu con un cañón nuevu, onde la calidá de la imaxe de la Play yera perbona.

Ramsés llevó la Play y los xuegos, y Paulino un mandu y algún xuegu. Y nun vos voi a engañar, que yo nun tengo ni idea ni de cables ni de Play Station, asina qu'ente Riki y Ramsés enchufaron l'aparatu pa que too funcionara a la perfección.

Tuvieron xugando a un xuegu de fútbol y a unu de coches, (agradecería qu'algún de vosotros punxera algún comentariu de como se llamaben los xuegos, porque ando algo despistada). Y mientres unos xugaben colos mandos, otros miraben y otros entreteníense xugando a algún xuegu de mesa (al Jenga, los paliellos chinos o el Trivial).

Lo que ta claro, ye que l'equipu 2 impúsose claramente nos dos xuegos, y sumó el so primer puntu nesta competición.
¿Qué pasará'l prósimu día?


2 comentarios:

  1. jajaja mirame a mi explicandole a Cova como se juega al Need for speed undercoover , que bienlo pasamos en las actividades

    ResponderEliminar
  2. ¿así se llamaba'l xuegu? Ay dios, como p'acordame yo d'esos nomes tan raros...

    Sandra.

    ResponderEliminar